LUDII

LUDII

olim non alii dicebantur, quam vero saltatores et histriones, qui et Ludiones, in Glossis Σαιυριςταὶ, Σκηνικοὶ; non a ludendo, ut placet viris doctis,s ed a Lydis, qui inter nationes saltationi bacchationique deditas: unde Ludius et Ludio, pro Lydius et Lydio.

Sed et Lydius etiam dicebant; unde Lydri barbari et volfi Lydii, apud Plaut. Curcul. Act. 1. Sc. 2. v. 63. Bacchid. Act. 1. Sc. 2. v. 13. et Pseud. Act. 5. Sc. 1. v. 31. Ovid. de arte Am. l. 1. v. 112.

Lydius aequatam ter pede pulsat humum, etc.

At sequentibus temporibus, Ludii proprie appellati sunt Gladiatores, a ludo gladiatorio, h. e. μονομάχοι et θηριομάχοι; qui etiam Ludi sunt vocati. Iuv. Sat. 6. l. 2. v. 82.

Nupta Senatori comitata est Hippia ludum

Ad Pharon et Nilum ------

Unde ludiam vocat eandem Hippiam; quasi ludi vel ludii uxorem. Apud eund. poetam, Sat. XI. l. 4. v. 20.

---- sic veniunt ad Miscellania ludi.

i. e. ultimam cenam, gladiaiores. Optimae Glossae, Lanista, λουδοτρόφος, ἐπιςτμ´της μονομάχων. Sic Tertullian. de Spectac. Inde Romani, inquit, accersitos artifices mutuantur tempus, enuntiationem, ut ludi a Lydis vocarentur. Sed etsi Varro ludos a ludo. i. e. a lusu interpretatur, sicut et Lupercos ludos appellabant, quod ludendo discurrant: tamen eum lusum iuvenum et diebus festis et templis et religionibus deputat. Ubi Tertulliano Ludi dicuntur, qui Ludii potius appellari debent, et Ludti Luperci, quod ludendo discurrant. Nempe Ludos, pro Ludiis dicebant Vett. ut regna, pro regibus, Florus; Praeturam, pro Praetore, Liv. etc. Hinc Ludiaria venatio, apud Trebellium Pollion. in Gallienis Ludiaria vestis, apud Ifid. in Gloss. etc. Salmas. ad Pollion. alibique vide quoque infra Ludus. Sed et Ludios ac Ludiones dictos deprehendimus pueros puberes, elegantibus tunicis indutos, glabros, galeâ insuper, ense et parmâ armatos, qui Circensibus et Theatralibus pompis ordine incedere sunt soliti, voluti pompae Duces, Fr. Gouldmann. Dict. etc.